دوشنبه دوازدهم مرداد 1388
اویماغین افسانه دی
دلی کونول بیر قالخ اویـان اویـماغین افسانه دی
معرفتین اولســـــــا اگـــر راه ســـــنه روانـــه دی
اوز نفسینی خوش تانیان دوغــرو بـــولار حققینی
گردش نـظم کـــائنــات نیـــشان جـــانــــانـــه دی
حق عـــلمی کـــامل اولــسا ذره لر ایــثبات ائـدیر
لیل نـــهار ربع مـــسکون دریـــالار ایـــثـبـات ائــدیر
یــــئردن بیـــتن گول چیــــچــــکلر ایثــــبات ائــدیر
عـــقل عـــلم نقـصانیلر قوی دئسین افــسـانه دی
بیـــر اینـــسانین انـــدامیندا یوز مینلر جه وار گــواه
بیـــر عـــالمین نیـــظامیندا مـیلیونلارجا ایــــنتیباه
طــالب اگــر عاریف اولسا چوخ آیدین دی شـاهراه
گورمـــه دیگین ایـــنکار ائـــدن تام عیار دیــوانه دی
ماتــریالـــیسم اینــکار ائـــدیر هر خارق العاده نی
صـــانع یارانـــمیشا بیلیر نـــئچه جـــاهل ماده نی
گــوزده اگر خیلل اولـسا خوش سئچمز جاده نی
عیــن احول ایـــکی گــورور حــقــیقت بیر دانه دی
دده کـــاتیب کئـچمه حددن گوجون یئتمز هر زادا
سن بــیر نارین قارینجاسان اوزه نمه سن دریـــادا
کج رود جاهــل در طـــریق آزیب قـــالار صـــــحرادا
نـــور حق اولـــمایان بیر ائـو، ائو دئـییل ویــرانه دی
چگمه میننت
دیوانه دیل دوغـــــرو دولان کــــونــلون ائوین ائیـله صاف
دوغرو یاشا دوغرو دانیش هئچ کیمسه دن ائتـمه خاف
هــر ایــــشینده بـــیر آللاهی دوغـــرو چاغیر یاد ائیــله
هئچ کیمسه دن چکمه میننت ،میننت یعنی کـوه قاف
او گـــون کــی وجــودا گـــه تدی خالق ســبحان سنی
مــــوقــددر ائــــیله مـــیش ریـــزقــین قـــادیر حی غنی
بنـــده اونـــو اونـــوتــماســا او اونــــوتــــماز بـــنــده نی
درد ه درمـــــان یــــارادانـــدیر هـــر طــــبیبه ائتــمه لاف
ســــن نـــامرده بـــویون اگــــمه اگــــری قـالار قــامتین
دوغــــرو یـــاپیش اتــــگیندن حقده ن ایسـته حــاجتین
حــق وئــره نه قـــانع اولــــسان آرتــیق اولار حــورمتین
قـــــناعت بـــیر کــــیمیادیر بــوندا کی یوخـدی خــیلاف
ســــن بــاخ خــــالیــقین ایشینه یارادیب هــفـتاد و دو
هــر کـس اوزون حق تانی ییب دئسم چوخــدو گـفتگو
دده کـــاتیــب یـــار غـــولامی نـــه از ایـــنـم نــه از او
نه صـــــرافــم دور ســــئچرم نه زرگـــرم نــه زر بــــــاف
اینانان
بیرآللاهـــین قـــودره تـــینه اینــــانــان مــیننت تــیکه سینی وورمــاز دیشینه
سن عبـــدیسن اوز عـــملین وار یاشا عــــقل چـــاتــماز یـــارادانیـــن ایشـینه
یوکلنیب دونیادان هئی گئدیر کــاروان هئچ ده فرق ائیله مز شــاه وگدا، خان
زحمت چکن میننت چکمز بــیل ایـنان بــــوینون اگـــیب الین قــویماز دوشـونه
شیرین دانیش داماغیندا داد اولـسون ادبــــسیزین یـــوردو بــر بــاد اولـــسون
دوللو موصطفا نین روحو شاد اولسون یاخشی دئـییب اینسان گــرگ دوشونه
دده کاتیب تئز اود آلــــیب آلـــیشما هــــر یئـــتنین سن ایــشینه قــاریشما
مصلحت اولماسا دینــیب دانــــیشما اینسان گرگ سوزون سالسین کئشینه
بیزده دیر
دلی کونول،دور شوکر ائیله لوطف یزدان بیزده دیر
صدق ایمان،بیر حقیقت، اصل ارکان بیز ده دیر
کــــــــان ادب هـــــم شفاعت رحمه للعالمین
یوز ییرمی دورد مین ایچینده شمس جیهان بیزده دیر
باخ احسانه عدالته امر ائدیب سوبحانیمیز
اوخونور حکم اینسانلیق ثابت دیر قورآنیمیز
بئش قاره یئددی ایقلیمده وار شوکت- شانیمیز
دورد کیتابی متممی حکم قورآن بیز ده دیر
روز الست خیطاب قیلدی بیزه رب العالمین
قالو بلی بیزلر دئدیک موژده میز واردی یقین
دینیمیزدن روشن اولدو ظولمت سطح زمین
حکم زمین حکم سما حکم رضوان بیز ده دیر
بیرکلمه توحید ایله مسند صدر بیزیم
خمسه صلات صوم زکات لیله القدر بیزیم
حب الوطن مرده جهاد هم ماه بدر بیزیم
آب حیات باب نجات بیت رحمان بیز ده دیر
کاتیب سوزون دوغرو دئدین به اذن پروردگار
آنلیانلار فیکر ائیله سه یاخشی بیلر هر نه وار
بیر گون اولار حق و باطل تامام اولار آشکار
هامی بیلر دوغرو کلام دوغرو زبان بیز ده دیر
دوشنبه هجدهم خرداد 1388
یالان دیر
کؤنول نفسین اؤلدورمه میش ریاضت ده یالان دیر
حرام مالدان احسان اولماز سخاوت ده یالان دیر
بیر اینسانین اؤزنفسینده گر لیاقت اولماسا
دده-بابا ســــولـطان اولـــسا نیجابت ده یـالان دیر
کیچیک لره تعلیم ائیله بــؤیـوک لره احترام
یوخسوللارین حالین یوخلا دوشگونلره وئر سلام
یارادانا قوللوق ائله ، خلقه خدمت والسلام
اگر قصدین شوهرت اولسا او خیــدمت ده یالان دیر
بیر آی اوروج ،بئش واخت ناماز، الده تسبیح سجاده
گئجه-گـوندوز ذیکر ائده ســن حاجا گــــئدسن پیاده
شیطانا یوز داش آتاسان قوربان کسه سن میناده
کــؤنـلونده بـــیر رحم اولــماسا عیبادت ده یالان دیر
دده کاتیب دورما چالـــیش نه قـــدر وار ایــــختیار
ایشله، قـــازان بـویون اگمه،ایش دیر سنه ایفتیخار
گرچی رزق مــــوقــــدردیر آمــــا حــــرف آشکار
چالیشـــماسان روزی یــئتمز او قسمت ده یالان دیر
تاماشا
بئش گون یاز باهارا آلدانان اینسان
یازین گتسه قیشیندادیر تاماشا
مغرور اولوب قورولوقدا آت قووان
بــاتلاقلارا دوشـنده دیر تاماشا
زامان دؤنر هر واخت بوگون اولانماز
قـــوجالــیقا لقمان چاره بولانماز
سیندین کئچر قان دامــــــاردا دولانماز
آیــــاقلارین شــیشنده دیر تاماشا
گــوونمه گــوجونه بـــوکولر بئلین
تــوکنر آیلارین قـــورتولار ایــلین
تــؤکـولر دیشلرین دوز دئمز دیلین
پــلتک ووروب چاشاندادیر تاماشا
دده کاتیب گولوســـتانین سولاندا
حــق صــــاحـــیبی امـــانتی آلاندا
جانسیز جسد تورپاق آلتدا قالاندا
یئر قوردلاری دئشنده دیر تاماشا
باغلاما
اوســــتاد مــــــحضریندن بـــــیر ســـوالیم وار
نـه جــــانـسیزدیر گزر اینسان ایچینده
چـــوخ جـاوان دیر هر اینساندان عؤمرو چوخ
مــحبــتی پـــــیــر و جــــوان ایچینده
ایســـته ســه یئریسین آیاغی چوخدو
اون بئش ایل یئمه سه آج دگیل توخدو
میــثالی بـــیــر قــوشـدو مثالی یوخدو
بـــیـر آنــی بـــوردادیــر بـــیر آنی چــینده
اؤزو بـــیر لال قـوشدو گؤزه ل صداسی
تـــنه سی بـیر حدده ن آرتــــیق بوتــاسـی
بولبول کـــیمی جه جه وورار شـــیداسی
گـــزر یـــیرمی سگـــگیز میدان ایچــینــده
عجایب بــیر قوشدو جـسدده جانسیز
آغـــیــزیـندان قان تؤکر اندامی قانــــسیز
دده کــاتیـب تــیرین آتماز نیشانسیز
خــوش دانـیشانی وار عـــیرفان ایچیـــنده
شنبه نهم خرداد 1388
دده نین سون شعیرلریندن
اوستادین آخیر شعیرلردن عیبارتدیر :(کی عؤمرونون دوشگون لوق و قوجالیق زامانینا دئییب)
مدد آللاه دوشـــــگون لـــرین یـــاوری
دوشگون اولدوم دوشدوم اللرده فالدیم
عومور دولدو سیننیم سکسان اوچ اولدو
دوشــــدوم غــم گؤلونه سئللرده قالدیم
الـــــیف قـــددیم دؤنـــــدو نونا بوکولدو
توک آغاردی،دیشلر بیر –بیر تؤکولدو
هرنه توخوموشدوم بوتون ســـؤکـولدو
داسـتان اولـدوم دوشدوم دیللرده قالدیم
قـــاتـــارلانـــیب درد جـانیما دوزولدو
دونــــیا ســــاغلــیغیندان الـیم اوزولدو
اجل شـــاختا ووروب تـاغیم پوزولدو
لـــیلاسیز مـجنون تک چؤللرده قالدیم
دده کاتیب حـــال احــوالیم پریـــشان
قـــولاقلار ائشیتمیر،گوزله ریم دومان
اؤزون منه یار اول ای رحیم-رحمان
یــــورولموشام یورقون یوللاردا قالدیم
یکشنبه سوم خرداد 1388
دده کاتیبین زینداندا یازان شعیرلری
دده کاتیبین زینداندا یازان شعیرلری Dədə Katibin Zindanda yazan şeirlərindən
انبیایه باغیشلا
مـــــددد ســــندن عـــالـــم لری یارادان ســــن بـــیزلـــری انـــبیایه باغــیشلا
نـــظر قــــیلدین آتش دؤنـــدو گــــولزارا خـــلیل الله خــوش سیمایه باغیشلا
یـــوسفی قــــورتــــاردین قعر چاهیدن ایــــوبـــی قــــورتـــاردیـــن درد آهیدن
ســـــلیمانی ثـــقلینـــه شــــاه ائـــدن کـــــلــیم الـــه تور موسی یه باغیشلا
خــــضر پـــیــغمبره سن وئـــردین حیات یــــونـــسه دریادان سن وئردین نجات
گــــؤتــوردوق درگــاهــا دست مناجات هـــم ذکـــریا هــــم یحیی یه باغیشلا
دؤرد کیتاب گؤندردین سن بیزه دلخواه کــــــعبه الله مــــومـــن لـــره قیبله گاه
به حـــورمـــت شـــــب جمعه سـحرگاه اول آتــــاسیـــز مـــسیـــحایه باغیشلا
کـــاتیـب پـــیر الیندن ایچیب جامینی عـــاقل ایــنسان خار ائیله مز نامــــینی
اللاه ســن زینـداندان قــورتـار هامینی مـــــحمد الــــمصطفـــی یــــه باغیشلا
مدد یارب
مدد ســـــندن عــــالــم لـری یــــــــارادان بــــیر نجات وئر یامان داره دوشموشم
بــــاب رحـــمـتیندن مــــایوس ائــــــیله مه گـــنــاهـــکاران اوزو قــــاره دوشـموشم
یــــئریـم اولدو زیندانلارین گوشـــــه سـی مـــــحو اولایدی ظالیم لرین ریشه سی
ظلم ووروب سینیبدی گویلوم شیشـسی داغیلمیشام مین بیر پاره دوشـــموشم
اؤزون بـــیر ین مـــین بیر آدین عـــشـقینه یــــوریــــن گؤیون یئدی قاتین عشقینـه
آدی گــــــؤزه ل مــــحــمدین عـــــشـقینه اؤزون قــــورتار یــامـان ناره دوشموشـم
بــــیر عـــرضــه م وار مــنیم فــخر عــالمه آرتـــیـــب یــــــارلاریــــم گـــلـــمیر قلمـه
صــــاحب مــــعجــزات گلسین نــالــه مه ســــیزیــــلدارام آه و زارا دوشـــموشـم
کــــاتیب در گــاهیندا هــو چکیب آغــلار خســـــته نین حالینی نه بیلیر ساغلار
گــــئتمز اوره گــــیمدن بو دوگـــون داغـلار گــــونــوم گئدیب شب تاره دوشموشم
قالماسین
قـادیـــر آللاه بــودور سنـــدن دیله گیم بـــولـــبول انتیقامی خارا قالماسین
عــــؤمرومون باهاری یامان قیش اولدو یئنی یــــاز آچیلسین قارا قالماسین
درویش اولوب قورشانمیشام پوستوما غم اوردوسو هـجوم ائتدی اوستومه
ســـحر یئـــلی ، ســـلام آپــار دوستوما گـــولــون اوره گـــینده یارا قالماسین
بـــیر دردیـــم بــئش اولدو بیلنیم یوخدو آغــلارام گؤز یاشیم سیلنیم یوخدو
قــــارانـــلیق گــئجه ده گـله نیم یوخدو صبح آچیلسین شب تارا قالماسین
مــــنیم بـــو حالـــیمی بـــیر آللاه بــیــلر دوســتلاریم آه چـکر دوشمانیم گولر
کــــاتـــیب یــــارادانــدان بیر دیلک دیلر مــــنیم آهــیم سیتمکارا قالماسین
دوشنبه بیست و هشتم اردیبهشت 1388
اوســتاد مـــحضریندن بــیر سوالیم وار نـه جــــانـسیز دیر گزر اینسان ایچینده
چـــوخ جـاوان دیر هر اینساندان عؤمرو چــوخ مــحبــتی پــیــر و جــوان ایچینده
ایســـته ســه یئریسین آیاغی چوخدو اون بئش ایل یئمه سه آج دگیل توخدو
میــثالی بـــیــر قــوشـدو مثالی یوخدو بـــیـر آنــی بـــوردادیــر بـــیر آنی چــینده
اؤزو بـــیر لال قـوشدو گؤزه ل صداسی تـــنه سی بـیر حدده ن آرتـیق بوتاسـی
بولبول کیمی جه جه وورار شیداسی گـــزر یـــیرمی سگـــگیز میدان ایچــینــده
عجایب بــیر قوشدو جـسدده جانسیز آغـــیــزیـندان قان تؤکر اندامی قانــــسیز
دده کــاتیـب تــیرین آتماز نیشانسیز خــوش دانـیشانی وار عـــیرفان ایچیـــنده
هاوالانما
ایـــنسان اوغـــلو هاوالانـما هـــاوالاردان ســالان اولــو
قــــاتــیب حیسابین ایتیرمه بیر گون حیساب آلان اولـو
مــعرفـــت یـــارار ایـــنـــسانا شـــجــاعت مـــرد مـییدانا
ظولم ایــلن یـــاپـــیلان بیــنا آخــــیر دوشـــر ویــران اولو
اینـسان اوغلو تـانی ذاتیـن پـــوزولاجــاق یئددی قاتین
اؤلــچوسوز بیچن خیاطیـــن تـــیکــدیگی دون یالان اولو
دده کــاتـیب هانی خانلار؟ دوغــــرو ایـنسان تــانییانلار
پـــول ایــله ایـنسان اولانلار پـــول قورتولسا حیوان اولو
زور دئیه ن
قــــادیر آلـــلاه بـــودور سنـده ن دیله گیم زور دئیه نین یوردو تــار-مار اولــسون
جـــهل-تــــعــصب لر گـــــئتسین کیــــنارا یــــئــریــــنده عـــدالت برقرار اولـسون
دوز جاده نی بوروق وئــــریـــب بــوکن لر ائــــل یـــولـونا خار خاشاک تـؤکـن لر
خلقین خوشلوغوندان سانجی چکـن لر عـــؤمـرو اوزون ، کؤنلو آه-زار اولــسون
یــالانـــجی شــاهیـــدین ، حقی دانـانین خلقین سیررین آچان بیر ده گــیدانـین
یــــولا داش تـؤکه نین ، یـــول دارالـدانین هر ایکی دونیادا یــئری دار اولـــــسون
دده کـــاتیب آند ایــــچره م قـــــــــــورآنا مـــن نــؤکـــره م حیــسابینین قـــانانا
آنــــلایــــان دوشـــــمنه مــــرد-مـــــــردانا نــــه قــدر من وارام او دا وار اولســون
عشق مئیی
کـــؤنول ایــسته ســن عــاشق اولاسان عشقی بوالهوسدن سئچمه ین بیلمز
عشقین شهری چوخ بؤیوک دور آزارسان چــوخ بــاغـــلی قـــاپیلار آچمایان بیلمز
عشــق بـــیر عـالم دیـر هر نه ده ن آیری یـــوز یـــولــلار آیـــریلار جــاده دن آیــری
عشـــقین مـــئیی بــــیزیم باده دن آیری دادیــــب او بــاده دن ایــچــمه ین بیلمز
عشــقین بــیر آتـی وار هـر کس مینـنمز هـــر کـــس ســـوار اولــسا داها یئننمز
عــاشــیق جــانین وئـــرر یـاردان دؤنـــمز عــــشقیــن گـؤیلرینده اوچمایان بیلمز
دده کـــاتــیب عــؤمــور کــئچر قالیـنماز فـــرهــاد اولــوب داشــا تئشه چالینماز
عـــشـق بـــیر گـــوهــردیـر اوجوز آلینـماز بـــوتــون وارلـــیغیندان کئچمه ین بیلمز
جمعه گون
ایــــسلام اوغــلو دالدالانما گل اوزه ذوق ائدر غونچه لر، گول لـــرجــمعه گون
آچــــیلیبدیر حقین رحمت قاپیسی گؤی گورولدور آخیر سئل لـــرجـمعه گون
تکبـیر سسی میناره دن سس لـنر کـــؤنـول شــــوقــا گلیب دل هـــوس لـنر
مسیحاا هوس لنر طور نفـــس لـنر یاهـــو اوخــور او بــولبول لــــرجمعه گـون
جمعه بیر آغــاج دیر بـاری کال اولماز نیــــیت لر دوز اولـــسا قیل-قـــال اولــماز
انشـاءالله حیــساب گونو لال اولماز صلـــوات اوخــــوبان دبل لـر جـــمعه گون
جـمعه گـونـو کــوسولولر باریـــــشار مؤمـــن فساد سالماز صولحه چالــیشار
دده کـــاتیــب آتــش آلـیب آلیشار یاشاسین سؤز قانان ائل لر جمعه گـون
سوی تانیدیرما
ایستیـرم ســـوی تــانیدیرام تــورکی جــه دیر منیم دیلیم
مــوســـلــمانام ایــمانـــلیام آذربــایـــجان ائـــلــیم مـــنیم
اورمــــــولویام انـــــزل لی یم دوشـــمـــن لـــرین انگلی یم
حـــلق لــــرین چـــنــگلی یم چـــوخــودو فــند-فئلیم منیم
صفـــالی اوجــا داغـــلاریـــم گـــؤزه ل مــیوه لی باغلاریم
مـــخصوصا بـــاهار چـاغلاریم آچــــار غـــونچه گولوم منیم
ایـــگـــــیـــدلــره آرخــــالانیم نــهنگ تــک چـــالـــخالانـیم
ســــولاریـــندا یــــایـــخالانیم گـــؤزه ل اورمــو گؤلوم منیم
شـــاعـــیرلریم ، اوزانـــلاریم ســــؤنـــمز قـــاینار قازانلاریم
ووروب دوشـــمن پــوزانـلاریم سـارسلمایان قــــولوم منیم
اساس سویوم اوغوز نسلی دده قـــورقـــوت تک هـوسلی
آشیقلارین خوش نفــسلی میـــضراب چـالیر تئلیم منیم
اورمــــیه لــی ارســــلانـــــلار تـــبــریـــزلی تــــک قهرمانلار
گـــئری دؤنــمز قوچ اوغــلانلار دولوب ساغیم-سولوم منیم
دده کـــاتــیب ائـله قــوربان خـــوش دانیشان دیله قوربان
یــــئــره گـــلــمز بئله قوربـان حــــقه بــــاغـلی بئلیم منیم
بد زامان
قـــادیــر آلـلاه بـد زامــاندا یــاشادیق نـــابــلد بـلده یـــول نــــیشان وئریر
ایکــــیـندیدن سـونرا آخشاما یاخین بئش تومن تاپانلار پول نیشان وئریر
قیــلچیق آغزین آگیر باغدا سـونبوله شـــلقم شامامایا ، ایت بورنو گوله
حــسرت دیر باشیندا آلتی کـول تئله کئچل زولفعلی یه تئل نیشان وئریر
بــــایــــقوش اؤیود وئـریر هزار دستانا شــیطان اؤزو لــعنت وئریر شیطانا
بئش گون درسه گئدیب او دا شـابانا یئددی دیــل بیــلنه دیل نیشان وئریر
دده کاتیب قالــدیق عصرین سونونا ســـگگــــیزینه ، دوقــقوزونا ، اونونا
صــــــرافلار بــــویـــنونو چکیب قیـنینا پـــالاندور زرگـــره لعل نیشان وئریر
بولبول
بـــاهار چاغی گول اوســـــتونده ذوق ائـــلر هـــــردن چـــهــچه وورار قــــــناره بـــــولبول
عزیزی یم ذوق ائلر/ دل دلیــــبره ذوق ائــلر یار عاشقی یار یانیندا شوقا گلیب ذوق ائلر
گـــول بولـــبوله بـــولبول گــوله ذوق ائـــــلر دؤنــــوب غــــضب لنر او خـــــاره بــــولـــــبول
بولـــبول گوله غــــونچه گــوله ، گول گولــه مـــن ســـــئورم گـــــول آچــــیلا گــــول گوله
عزیزی یم گول گوله/بولبول دئیه گول گــوله قیش قالمایا باهار گله لاله بیته گــول گـوله
قــــفس سیـــنا بــــولــبول اوچا گول گــوله قــــالــــمایا زیـــــنـــدانـــدا آواره بـــــولـــبول
عــــاشــق اولان مــــعشـــوقونون دریـــنده غـــــواص اولارجــــومــــار قــــالار دریــــــنده
عـــزیزی یـــم دریــــنده/دریــــالاردا دریـــنده اومودوم وار مرد اوغلانلار قالمایالار دریــنده
مــــرد اؤلـــر یــــاتـــــماز نـــــامـــرد دریــــنده ســـن ده کــــؤنـــول وئــــرمه اغیارا بولبول
دده کــــاتــیــب دئــــییر کاما یـئتمه دیم دوســـــتدان کــــام آلمادیم کاما یئتمه دیم
عزیزکامایئتمه دیم /عاشق کامایئتمه دیم جفا چکدیم یار یولوندا آخیرکاما یئـتمه دیم
منده سنین کــــــیمی کــــاما یـــــئـــتمدیم قـــــاچـــما مندن ، گــــــئتمه کناره بولبـول
قاچما مندن
یــــارادانــــا شــــکر و ثـــــــــنــــا هـــــم یــــوخـــونا هم واریــــــنا
هــــر کس ایــــله یولداش اولدوم لــــتش ووردو دیـــــــــواریــــــــنا
یا ریـــب بیر درد بئش اولماسـین نانجیب لر خوش اولـــــــماسین
خـــوش گونلره توش اتولماسیـن لعـــــنت گــــلـسین اقــــراریـــنا
آشـــــنالاریـــــم آتـــــدی مــــنـی هــــر هــــاوا اویــــناتــــدی منی
زامـــــان اوجــــوز ســاتدی مـنی دوشـــــدوم کـــــســـاد بــازارینا
دده کــــاتـیـب دیــــلر دیــــــلک زامــــــان قویمادی خوش گولک
بـــــلا پـــــایـــلایـــانــدا فــــلـــــک مـــــــن یـــئتیـــردیم آمـــــبارینا
سلام
بــــاهــار چـــاغی یـــوردوم آذربـــایـــجاندا یاغـــمور یاغیب آخــــان سئللره سلام
یــــاشیل یــــایلالاردا، یاشـــیل بــاغلاردا الـــوان غـــونچه لره ، گـــــــوللره سلام
یاشـاسین یوردومون تـــــورک آشیقلاری تورکی شــاعیرلری تــــورک آشــیقلاری
تـــــویــلاردا،بــــایرامدا تـــــورک آشیلاری ســسینه ، ســــازینا ، تـئـــــللره سلام
ایفــــتیخار ائــــیلیرم بــــؤیــــوک تــــورانا دوغـــــما وطـــــنــــیمه ، آذربـــایــــــجانا
تـــــورک اوغــلویام هر واخت مرد- مردانا او تـــــورکی دانیـــــشان دیــــللره سلام
یئتمیش بابام کندلی من ده کـندلی یم باشیم عرشه یئتسه من ده کندلی یم
آذربــــایجـــانلـــیام مــن ده کـــند لی یم بــــو آذربـــایـــجــانلی ائــــللره ســـــلام
دده کــــاتــیب دیندیرسه لر جـوشارام جوشغون سئل تک دالغا ووروب داشارام
کــــندده دوغـــــولموشام کندده یاشـارام کـــــندده زحــــمت چــکن ائل لره سلام
یاخشی دیر
اینــــــسان اوغـــلو بـــیر اؤیــــود وئر دیلینه هـــر گــلن له آتـــیشـــماسان یاخشی دیر
دیـــــل ســـنین دیر ، فــرمان سنین الینده چیخما یولدان تئز چاشماسان یاخشی دیر
اؤزونـــــــدن بـــــؤیـــــوگون سؤزونو کسمه دانــــیشانـــدا تــــئز جـــوشلانیب تئز اسمه
یـــــــالان ســــؤزو ساخلا ، دئمه ، تلسمه هــــر نه قـــدر دانــــیشماسان یاخشی دیر
آجــــــی دیــــل آرتـــــیرار دوشـــــمه نـــین ســـــنین آجـــــی دیــــل آزالـــدار حؤرمتین
سنــین آجی دیل یاندیرار عؤمرون خرمنین آغـــزین یـــانار دانــیشماسان یاخشی دیر
دده کـــاتیب حقی دئیه ر سست اولـماز ار-اســـــلان قـــــوجــــالار اؤلر پست اولماز
آجی دیل دوشمن دیر سنه دوست اولـماز اؤلـــه نه تـــک بــاریشماسان یاخشی دیر
بو داغلار
کؤنول قوشو ایستر گیریب دولانـسین کســــیب قــاباغیمی بو داغلار مــنیم
لــــیلاسیز مــجنون تک آواره قالــدیم ایندی مســکنیم دیر بـو داغــلار منیم
ایــــپـــین او ایـــتیب یامان دولاشـیب صبرین چاناقلارین دولــدوروب داشیب
دردیم آغیرلاشـــیب حددیــندن آشیب ایـــندی یـــوکوم اولـــوبدو داغلار منیم
قیلینجیم کـوته لیب دوشوب کــسردن سـؤزوم قبول اولمــور دوشوب اثردن
آلله اؤزون ســــاخلا بــــونـدان بــتـردن ایـــچیمی یـــاندیری بو داغــلار مــنیم
دده کـاتــیب قیـــساتمیشام دیـلیـمی زامــــان چـــرخی بــاغلاییبدیر الـیمی
ائـــولادلاریـــم بـوکوب مـــنیم بئـلـیمی اؤلــــسم قاتیـلیم دیر بو داغلار مـنیم
یکشنبه بیستم اردیبهشت 1388
هاردادی؟
قــــادر آلله داده بـــئتیر بـــاغــــا بـــاغـــبان هـــاردادی
ســــار اوچور عیرفان گــویــونـده شـاه ترلان هاردادی
شــــــخته ووردی گـولـــوستانی لاله لر قــان آغلادی
هریان اولموش غـم بــولـــودو شــمس تابان هاردادی
او زامــــان بــیز یازیق اولدوق هره چـــکدیـک بــیر یانا
بیـلمه دیک بیر لــیک دادینی اوز دوندردیــک عـوصـیانا
قــورآن بـــیزی قارداش ائدیب خـــائن اولــدوق پـیمانا
تــحـت شــجرده بــاغــلانان عـهد پیـمــان هـــاردادی
قـــیـریلدی بـــیـرلیک طـنابی قددیمیز اولدئ کـــامان
بس نئجه اولدوداماردلاردا ایستس غیرت ایسی قـان
خـــورافــات تـــوتــدو دونیانی ضـعفه یئدی دین ایمان
گــــوز سارالدی اینتیظاردان صـاحیب زمان هاردادی؟
دده کـاتــیـب قورخما دانیش سوز سورایا ساخلاما
باشــدا کــی عــیللت تــاپـیلدی لــرزه دوشــر انداما
یــهـودییـت طــوغـیان ائــدیــب ضـربه وورور ایـــسلاما
کـــفر قــیران قـــوی پـــنجه شیــر یـــزدان هاردادی؟
هله
عــؤمور چاتدی سونا کونول سن تئشه چــال داشـا هــله
جســـد دئـییر یورولموشام کــؤنــول دئــییر یـــاشــا هـله
بــاهــاریم اولدو زیمیستان شخته ووروب سولدو بوسـتان
کـؤنول دئییر دئمه داستان چــوخ قــالــیبدی قــیشا هـله
اجــل کــــاروانی یولـدادی پــیــمانه دول هــــا دولـدادی
کـؤنول دئییر بو سئـودادی تــــازا قـــونـــور بــــاشا هـله
دده کاتیب اوجــــالمیشام قال ماقالدان گـیج اولموشام
عؤمور دئییر قوجالمیشام کـــؤنــول دئـــییر یــاشا هله
پنجشنبه هفدهم اردیبهشت 1388
گوردوم
هـــر مـــیللتین کــیــتابــیـنی اوخـــودوم ایــنــسـانـلیغی وعـــده وفاده گوردوم
عومرون شیرینلیگین گونون خوشلــوغون مــــوحــبــتده صـــلح- صـفــاده گوردوم
چالیشدیم خوش بیلدیم ایـش زحمتینی آج قالدیم چکمه دیــــم ائل مـینتینی
ایــــچمــه دیــم نـــامردین بال شربتینی مــــردین آغــــیسیندا شفاده گوردوم
کیشی ســـــئومز تنبل لـیگی یاتماغی اســـلان تـــولــکو قـــانــین قــاتماغی
عـاشـــیقـلردن یــار وصــلـینه چاتماغی مـــیحنتده تهــمده جــــــفاده گوردوم
دده کــاتیـب حققی دئیه ر لال اولـماز تنــیکه بــویـانسا قـــیـزیل قـال اولماز
ائـــل آپـــاران یئل آپـــاران مـــال اولــماز اینسانین ثـــیروتین قــــفاده گـوردوم
دوز اینسان
یــارادانــین قـــودرتینه چــوخ شــوکور
آدام یـــارانـــمــیشیق دوز ایــنسان بیزیک
مـــوحـــدیــــــــــــــــک لا اله ال الله
مــــحمـد امــــتی، مــــوسلمان بـــیــزیک
تورک اوغلویوق دالدالانیب سینمیریک
دوشمان قارشیسیندان گئری دؤنـمریک
بیر قیزقین آتشیک تئز-تئز ســؤنمریک
قـــارتال اوچوشلویوق ار اسلان بیزیک
اساس تورک اوغلویوق ایچ اوغوز خانلی
قــوچاق نــبی بابــــک بـــایــاندیر خانلی
دین وطن اوغــــرونـــدا قـورخماز ایمانلی
ســـاواش مــــیدانیندا بیر قـاپلان بیزیک
دونـــیا بــویــو وورولمامیش وورموشوق
ســــویــوموزدا ثـــابــت قدم دورموشوق
اون ســــگگیر امپراطورلوق قورموشوق
گـــئری دؤنــــمز بــیر مرد میدان بیزیک
آذربایــــجانـــلی یــیق بــیلسین دونــــیالار
دنـــیزلر ، قـــارالار ، یــــئرلر ، هاوالار
گـــــورولتو سالاریق قـــورخــار دریـالار
داغـــلار زیروسینده بیر دومان بیزیک
دده کــــاتیب دوغــرو یــولدان چیخماریق
هئچ کیمسه یه پیس گؤز ایـله باخماریق
دوغرو تورکوک یاخماسالار یاخمـــاریق
هر زامــــان مــــطــیع الـــقرآن بیــــزیک
آغلادی
قادر آللاه بو محنتدن بو غمدن
یاندیم جسم ایچینده جانیم آغلادی
پروانه تک آلیشمیشام آتشه
قایناییب جسدده قانیم آغلادی
سگگیز سجده گاهیم بیر یانا دؤندو
بئش جسمیم اعضادا دیوانه دؤندو
قلبیم قانا گؤزوم عمانا دؤندو
ایکی عینیم بیر زبانیم آغلادی
اود آلیب آلیشدیم اوره کده ناریم
گئجه گوندوز بیر آللاهه بالواریم
بوتون اوچ یوز آلتمیش داماریم
دؤرد یوز قیرخ دؤرد استخوانیم آغلادی
کاتب بیر آللاهه واردی پناهیم
بایقو تک ویراندا کیم بیلیر آهیم
دنیزلر جمع اولسا چوخدو گوناهیم
یاد ائدینجه روح روانیم آغلادی
دوشنبه چهاردهم اردیبهشت 1388
دانیشاق
ایـــــسلام اوغــــــلو گـــــل من ایله برابر اینصاف ائیله اوردان بوردان دانیشاق
جـــــــــهلی نعــــصبی آتــــاق کـــــیناره دوغرو دئیه ک بیز شعوردان دانیشاق
هانکی الف فی کاف قـــــووزادی جنجال شور سالدی دیللرده اولدو قال ما قال
هانکی اون یئددی دی گلدی دال با دال ظـــولمتی اوتــوره ک نوردان دانیشاق
عـــاریــــف لـر حـــددیندن ائتمزلر عدول حقــیـقت اولـــدوزو اویـــلــه مــز اوفــول
آیـــت حـــیـــجــابه ســـبـــب نـــــــوزول هـــاردا نـــازیل اولدو اوردان دانـیشاق
ایـــنـکار حـــقیـــقت ایـــــنـــکار خـــــدا حــــــدیـــث مـــــصطـــفی کــلام خدا
کــــیـــمه بـــشـــــارت دی مـــعدن حـیا صـــدفی سیندیراق دوردان دانیشاق
دده کـــاتــیــب حــقیــقته مــــایل دی مـــــعــریفتین قـاپــیسیندا ســـایل دی
والـــلیل ســـوره سی کـیمه نـــازل دی حقی دئیه ک یوخ کی زوردان دانیشاق
پنجشنبه دهم اردیبهشت 1388
اؤز دیلیمیز
گل یولـــداش اؤز دیــــلــــیـــمیزده دانیشاق
اؤزگـــــه دیـــلی دیـــــلــــیـــــمیزه قاتمایاق
تورکـــــوجــه ســــؤیلویک هر نه یین آدین
دده-بــابـــا یـــــولـــومـــــوزو آتــــمـــــایاق
چوخ گؤزللیک واردیر بــــیزیــم ائـــــللرده
یـــــازیـــلار یـــازیلیب واردیـــر ال لــــرده
بابالاردان قــــالیــق قالـــــیب دیــــل لــرده
اؤلـــــوب گــــئتسک ائـــــلیمـــیزی آتـمایاق
اونوتــــمایـاق یــــوردومـــــوزون امگین
سوس لندیره ک اؤلــــکه مــیزین چیـچگین
برکیده ک اؤز ائــــویــــمیزین دیــره گـین
یـــــــابانجیا ســــؤزومــــــوزو ســـاتــمایاق
دده کـــاتـــیب دگـــرلی دیـــر دیـــــلـــیـمیز
آدلی ســــویــوموز وار گوجلو قــولــــوموز
اسگیدن توتموشوق دوزدور یــولـومـوز
آیــــیق گـئده ک یــــولـــوموزو یـــاتـــمایاق
غیفلت
اؤزون داده یـــئــتـیش یـــــــــــارادان آللاه
گوجدن دوشـــدوک قدرتیمیز قالمادی
مین دؤرد یور ایل شـــوهرتـیمیز واریدی
ذلــیل اولــدوق عـیـزتـــیمیز قــالمادی
دوستلاری اونـــــوتدوق دوشمانی توتدوق
یــولداشی بوراخدیق اویـناشی توتدوق
بـــیــرلـــیک آغـــاجینی کؤکدن قوروتدوق
دامـــارلاردا غــــیرتـــیــمیز قـــالـمادی
دامــــارلاردا ایــــــستی قـــانلار آخـــاردی
قـــیـلینجیمیز شیمشک کیمی چـاخاردی
هر دؤرد طرف گوجوموزدن قورخـــاردی
هئـــچ زاد اولــــدوق هیبتــــیمیز قالمادی
دده کاتـــیب بــــیزی پــــوزدو بو غیـــفلت
دیــــلده داد قـــالــــمادی آغـــیزدا لذذت
خــوش جمله دیر معلول اولـماز بی علت
عیللت بـــودور وحــــدتــیمیز قـــالمادی
دوشنبه هفتم اردیبهشت 1388
اؤلن دن سونرا
کــــؤنـول کیمیادیر عــــؤمـــرون باهاری
ســــولاجاق بـــو داقلار اؤلندن سونرا
فـــورصت گــئتسه حسرت بره بـاغلاماز
بیــــرده دؤنمز ساغلار اؤلندن سـونرا
دم غــنــــیمت،چــــالیش قازان ساغ ایکن
آتـــشی ســـؤنـــدورمه قازان داغ ایـکن
دیء دانیش دیل دوداق داماق ساغ ایکن
بــــاغـــلانـــار دوداقلار اؤلندن سـونرا
آدام وار دادمــــایـیب دوستلوق شربتین
وقـــتی بــــیلمز الــدن وئــــرر فرصتین
ســــاغلــــیغیندا بیلمز دوستـــون قیمتین
افســـوس اــــئیلر آغلار اؤلندن سـونرا
دده کــــاتـــیب هئچ قورتماز دیده سـین
کـــیم ســـاغـــالدار اوره گـینین زده سین
اوغول واردیر هر گون دؤیردده سـین
اوچ آی قــــارا بـــاغــلار اؤلنـدن سونرا
عیرفان عالمینده
عیــــرفان عـــالــــمینده ایـــنـــسان ایـــچینده
هئــــچ زامان یاخشییا یامان دئمزلر
اخــــلاق دفــــــتـــریـــنده قـــــورآن ایـــچینده
ریـــاکـــارا اهـــل قـــورآن دئــــمزلر
اینسان اودور بوش دورماسین چالیشسین
عاشیق گرک عشق اودونا آلیشسین
بــیر ایـــــنسان کی هر نه گلدی دانیشسین
حـــیاســــیزا اهـــل ایـــمان دئــــمزلر
ایــــــنســـانـــلاریــــن وفـالیسی یاخشی دیر
آیـــنــالاریـــن شــفافلیسی یاخشی دیر
اوغـــرونـــوندا ایــــنـصافلیسی یاخشی دیر
ایـــنصــافسیزا صــاحب وجدان دئمزلر
دده کــــاتـــیب بــــو جومله یه خـوش اینان
ایــــمـانــین خـــرمـــنین یـاندیرار یالان
وارلــی یا دوسـت اولان یوخسولا دوشمان
هئچ قـــــانـــوندا اونـــا ایـــنسان دئمزلر
یکشنبه ششم اردیبهشت 1388
بیری قیرخ
کونول دیللربیر بئش جومله حرف جمل سویله سین
بـــیری یــیرمی بــیر اوتــوز بــیری بیردی بیـری قیرخ
او نـــه دیــر مـــوسلـــمـاندا مــوحـــــبتیــن کــیــلیدی
بـــیـر آتـــمــیش بـــیر ی اوتوز بیر بیردی بـیری قیرخ
کامـــیـل ایــنـســان دوغـرو باخسا یارادانین ایشـینه
هـــر بــیـــر شئیی اوز یئرینده دوغرو سالار کـئشینه
او نه دیرکی مومن اولان هئچ واقـت وورماز دیشینه
بـــیر ســـگـگیز بـیرایکی یوز بیــری بیردی بیری قـیرح
قــــادر آلـــلاه قــــودرتــی ایــله تـک یارادیب جهـانی
عـــیلم ازلــی ایـــله بیــلیب فــــعل کـسب اینـسانی
او نـــه دیـــر کی مغـــلوب ائدر یولودان آتار اینـسانی
بیری قیرخدی بــیری یوزدی بیری بیردی بیری قـیرخ
مــومـــن اولان هـــر نـــفــسده حــققی سـالار یـادینا
دوشـــن گـــونــده حـــق یـئتیرر مـظـلوملارین دادیــنا
دوســــت دریـنــــده نه دئــیـــه ر لر دده کاتیب آدینـا
بـــیـری مین دی بیری اونوز بیری بیردی بیری قـیرخ
کوراوغلو
ایسترم مــــردلــری تـــعریف ائــــیله یم
مردلرین سولطانی قوچ کوراوغلــــودو
شــــهرتی یـــایـــیـلیب تــوتوب هـر یانی
ایگیدلرین خــــــانی قوچ کـــوراوغلودو
عؤمور بویو مــــردلیک ائیله ساواشدی
نامردی اؤلـــدوردو مرددن ســـــاویشدی
شجاعت مولــــــکونه دوغرو یول آشدی
شــــجـاعتـــین کــــانی قوچ کوراوغلودو
صـوحـــبتیــنین آغـــیـــــزلاردا دادی وار
آشــــیــقــلاریــن مــــجـلیسینده یادی وار
تاریــــخــده ن ســـیـلینمز گئتمز آدی وار
ارکـــک لیک نیشانی قوچ کور اوغلودو
کوراوغلو تک اراوغلانلار واراولسون
نامـــردلـــرین کــؤنـلو آه و زار اولسون
کوراوغلویا پیس دئیه ن لر خاراولسون
نامــردلــر دوشمـــانی قوچ کوراوغلودو
کوراوغلو تورک ایدی بیر اوغوز خانی
تـــورک لـــره قـــازانـییب شوکتی شانی
چـــامـــلی بـــئلده قالــــیر یوردو نشانی
دیــل لـــرین نیـــشانی قوچ کوراوغلودو
دده کـــاتــیب حـــئیف مـردلر کؤچ اولدو
حســــرتیمیز آرتـــدی ایــکی اوچ اولدو
قوچ دوغولدو قوچ یاشـــادی قوچ اولدو
اسلانلار اســـلانی قـــوچ کــوراوغلودو
یکشنبه ششم اردیبهشت 1388
قالمادی
دلی کــــونــــــول اویــــــما مــــیمـانخانه ده
کاروان کــــوچدو او مــیمانـــلار قالــمادی
طــــمع گـــوزون تــــــــیکمه مــالا مـــقــاما
خـــانــلارکــوچدو خــانــدانـــلار قالـــمادی
بــــیر واریــــن گــــوروب ایـــفاده ســــاتدی
کــــیبر ائیله ییب او گــویــلره اوخ آتــــدی
تــــوپراغا قــوشانیب اوز قــــویوب یـــاتدی
جســدلــر چــورودو جـــانلار قــــالــمادی
بــــیری اوزون گــــوروب آزدی یـولـــونـــدان
اوتوردی یــولون هر نه یی دئدی پولوندان
بیر دم قـودرتــــیندن بــــیر دم قولـــونـــدان
قــول قـــیریـلدی پـهلــیوانــلار قالــمادی
بیری مولکودن دئدی بیری مــــاشــــیندان
اویقونلوق سئوداسین آتــماز باشــیندان
غـافــیل اولــدو یــارادانــــین ایـــشـــــیندن
بــو دونـــیادا سـولــیمانــــلار قالــــمادی
جوشقون کونلوم گئنه درسین اوخوسون
تـــوک آغاردی بیلدیم کــفن قـــوقـوسون
ائشــیدیب بـــیلنلر رحــمت اوخـــوســو ن
کــاتیب کیمی گــــوهر خــانلار قالــمادی
قالماسین
قادر الله بودور سندن دیله ییم
بولبولون اینتیقامی خارا قالماسین
عومرون باهاری یامان قیش اولدو
یئنی یار آچیلسین قارا قالماسین
درویش اولوب قورشانمیشام پوستوما
غم اوردوسو هوجوم ائتدی اوستوما
سحر یئلی سلام آپار دوستوما
گولسون اوره ئینده یارا قالماسین
بیر دردیم بئش اولدو بیله نیم یوخدو
آغلارام گوز یاشیمی سیله نیم یوخدو
قارانلیق گئجه ده گله نیم یوخدو
صوبح آچیلسین شب تارا قالماسین
منیم بو دردیمی بیر الله بیلر
دوستلاریم آه چکر دوشمانیم گولر
کاتیب یاراداندان بیر دیلک دیلر
منیم آهیم سیتمکارا قالماسین
یکشنبه ششم اردیبهشت 1388
بیللاه
کــــونول الده قــــلم وصــــفی حالیمی
یــــادگار قـــــالماغا یـــازارام بیــــللاه
سینه م مــیدان اولوب غم آل –وئـــرینه
بـــــلالر آلــــــماغا بــــــازارام بیــــللاه
قارقــــانمیشام هــــر میحنته یانام من
قیزیل لاله کیمی بـاغری قـــانـام مـن
یوواسیز قـوشلار تــــک سرگردانام من
بـــو داغــدان او داغــا گـــزره م بیللاه
توخموم شور توپراقدا یانیب کول اولدو
دردیم آرتیب گونو گـوندن بول اولــــدو
مجنون کیمی آخیر یوردوم چول اولدو
او داغـــــــدان او داغــــا آزارام بــیللاه
دده کــــاتیب یولوم دوشــــدو اوزاغـــا
طوطی تک هم قفس اولموشام زاغا
تپـــــه دن دیـــرناغا بــــاشدان ایـــاغـــا
دیــــلدن تا دوداغـــا آزارام بـــــیــــللاه
ـــ
کیبر ائیله مه
دلی کــونول کـــــیبر ائیله مه حــــلیم اول
کــیـــــبره لـعنت ائــــــیلیر کــــلامه شـــریف
ســـن الـلاهـــین قـودره تینه تسلـیم اول
گــــویـــلــره اوخ آتــــــما ای عــبد ضــــــعیف
طــــمعـکار ایــنـــــسانین باشی اوجالماز
قـــــناعــت اهلـــینین کـــــونلو قوجــــالــماز
صبــــر ائــدنـــدن هئچ مــوصیبت باجالماز
صـــــبر بـــیر کــــیمیادیر حق ائــدیب تعریف
چــــوخ گــولـن کــئچینین اوزو ســــورتولر
ادبــــلی ایـــنـــسانین عـــیـــبی اورتـــــولـر
نامــــرد اولـــسه خــلقین جانی قــورتولار
مــرد اولـــنده هـــامــی دئــیه ر وای حیـیف
دده کاتـــیب بـــــیر آلــــلاهـا ایـــــنـاندی
مـــینت چــــــکــمز مــیـنت بـــار گـــرانـــدی
یارامـــــیشا رزاق قـــادر ســـوبــــحــاندی
اوره گــیـن آیــــناســیـــن ائـــیــله مه کثیف
سه شنبه بیست و پنجم فروردین 1388
یکشنبه بیست و سوم فروردین 1388
قادر الله گئدسین قیشین دومانی
یئنی باهار گلسـیـن گــول لـر اویناســین
چیچکلنسین یوردوموزون هریانی
یاغموریاغسین جوشقون سئللراویناسین
گوللربیزیم اولسون قازلاربیزیمکی
سـؤزلــر بیــزیــم سازلــار بیــــزیمــــکی
ماراللار بیزیمکی نازلار بیزیــــمکی
یایلا یاشیللانسین ائل لر اوینـــاســـــین
قدرت لنسین ایگیت لرین قوللاری
گوجلنک قاپسـایاق سـاغی ســولـلاری
ووراق پوزاق آچاق باغلی یــوللاری
جاده لر شن اولســون یوللار اویناســین
بیـربیـره دایانسین گوجلو چیگیـنلر
قاراباغدان چیخســـین قودوز خائیـــن لر
باکیدا اوخونسون آشیق قادینــلار
بارماق میضراب چالسین تئللراویناسـین
دده کاتیب قیساتمارام دیلیمـــی
حقــه دوغــــرو باغـلامیشــام بئــلــیــمی
چوخ سئــورم آذربایجان ائلینـــــی
آذربایجان تورکـــی دیللــر اوینــاســــــینیکشنبه بیست و سوم فروردین 1388
سوردوم
عاریفلردن سوردوم دونیا احوالیـــن
"آزاد قوشـا بـیـر قفسـدی" دئدیـلــر
عؤمرون اعتیبارین سوال ائیله دیــم
گئدی گلمـز،بیر نفســدی دئدیـلـــر
دئدیم بیـرسرمایه،بیــرده سعـــادت
دئدیلــر،خوش اخلاق، بیرده قناعـت
دئدیم شوهرت ایچون اولسـاعیبادت
"عاریف دئییــل بول هوسدیر"دئدیلــر
دئدیم دونیا مالی ،دئدیـــلر عیبــرت
دئدیم بس جوانلیــق، دئدیلرفورصـت
دئدیم بس قوجالیـق،دئدیـلر حسرت
عؤمــرون پاییز یئلی اسدی دئدیلـر
دده کاتیب غم نهالیــــن غم اکـــــه
غم خرمنین،غم آنباریــن غم توکــــه
عؤمرون سوفرسینن بیر نئچـه تیکـه
یئدیم دویمامیشدان بسدی دئدیـلـر
شنبه بیست و دوم فروردین 1388
دده کاتیبین اینجی لی صدفیندن
آذربایجان اوغلویام
یارادانا شـوکر ائــــیلرم مـــن موسلمان اوغـــــلویام
دیو-اجــیـنّه دگــیلم ، بلـــکه ایــــنسان اوغــــــلویام
ذاتیم دوغرو، سویوم دوغـــرو عقد صــــحیح اولادی
دوز نوطفه دن دوغولموشام حکم قـورآن اوغــــلویام
اساس سویوم تورک دور منیم من اوغوز نسلیندنم
شکّ شوبهه یوخــــوموزدور یـــوزد ه یوز نــسلیندنم
ایفتخارلی آذر بــــایــجان دوغــــرو - دوز نــسلیندنم
سؤز اوستادی دده قــــور قـــوت عین اوز نسلیندنم
سانلی –شانلی تاریخیمیز دوغرو باستان اوغـلویام
آذربــــایـــجان بـــئــشیگینده قـــهرمانـــلار بسلنیب
شـــاعـیـرلــری ســـانا گـــلمز غــزلخوانلار بسلنیب
آدی بــــللی باغـــیر خانلار ، ســتار خانلار بسلنیب
دشــــمنه دال دوندر مه ین قوچ اوغـــلانلار بسلنیب
یاتمام تولکی دالداسیندا ، ارکـــــک آسلان اوغلویام
دده کاتــــیب بـــیر رنــگیم وار هــــر رنگه بویانمارام
میــللتیمی تعـــریف ائتسم اؤلـــونجه اوســــانمارام
آذربــــایــــجان تورک اوغلویام ذاتـیمی خوارسانمارام
پارچــــا –پارچــــا دوغـــــراســالار اؤزلوگومو دانمارام
موســــلمانام ، تـــــورکـــم ، آذربــــایــــجان اوغلویام
کراسون قیزی
کراســـــوندا بـــیر قیز گوردوم
گزر ســاللا نا ساللانا
سانکی بیر سـونا گاز گوردوم
اوزر ســاللانا سـاللانا
کـــــینا یــــاکــمیش ال لرینه
حایران اولدوم دیل لرینه
آلــــتون مــــیــخک تئل لرینه
دوزر ســاللانا ســاللانا
کــــیـزیل غنچه یاز چیچگی
بودور گوزل لر گویچگی
ساچلارین هندین ایــــپگی
بـــزر سـاللانا ســاللانا
دده کاتیب گورسون گوزون
میصرده زلیخانین اوزون
قاش آلتیندان خومـار گوزون
سوزر ســاللانا ساللان
خبرين وارمي؟
گئجه-گوندوز خلقه ايراد ائد نلر
هئچ اؤزون اؤزوندن خبرين وارمي؟
قونشونون گؤزونده قيلي گؤرنلر
بير باخ اؤز گؤزوندن خبرين وارمي؟
مؤمون قارداش هئچ بيليرسن نئديرسن؟
ايشين بودور خالقين عيبين گودورسن
بئش قدمده دؤردون اَيري گئديرسن
بير دؤن باخ ايزيندن خبرين وارمي؟
حرام مالدان فاخير ليباس گئييرسن
آغيز سيلمك نه دير؟! موردار يئييرسن
آشيغين سازينا حرام دئييرسن
اؤز ساختا سازيندان خبرين وارمي؟
دده كاتيب سن ده بير بيل حسابين
دوز عملين آزدير چوخدور خرابين
قورخ او گوندن اوخوناجاق كيتابين
دئدييين سؤزوندن خبرين وارمي؟
منه نئيلر؟
حيكمت عالميندن دؤرد سؤز اؤيرنديم
آرتيق درده دَيمز سؤز منه نئيلر؟
بيردن باشلاميشام بيرده دورموشام
يئتميش، سكسن، دوقسان، يوز منه نئيلر؟
حياتدا چارپاشيق يوللار كئچميشم
اوّل آختارميشام اوّل سئچميشم
عشقين آتشينه يانيب پيشميشم
اود اودو يانديرماز كؤز منه نئيلر؟
باطيل بئش گؤن اوينار دوشر اثردن
حقيقت شمشيري دؤشمز كسردن
يارادان سالماسين مني نظردن
قوْي باخسين بد نظرگؤز منه نئيلر؟
دده كاتيب الهام آلار اوزاقدان
يولداش اولمام من قورخارام قورخاقدان
درباري لر قورخار توزدان، تورپاقدان
اكينچي اوغلويام توز منه نئيلر؟
يالان دونيا
چــــوخ اويونلار ســــنه يارار
يالان دؤنيا دئييل ميسن؟
دون بوْشاليب بو گؤن تكرار
دوْلان دؤنيا دئييل ميسن؟
دَيیير مانـــسان اينـسانلارا
قـــييارسان دادلي جانلارا
اجــــل بومــباسين خانلارا
چالان دونيا دئييل ميسن؟
آتـــش اوجــــاغين قوراندا
آجــيق تكــمه سين ووراندا
قــــهرمانـــــلاري يـــوراندا
گــــولن دونيا دئييل ميسن؟
دده كاتيـبـين سسينه
چـــــولقالادين غم سيسينه
ســــوندا اؤلوم قفسينه
ســـالان دونيا دئييلميسن؟
شنبه بیست و دوم فروردین 1388
دده کاتیبین اورمو گؤلو منظومه سیندن
اورمـــو گـؤلو اول آللاه آد اولسون
کؤنلومـــوزده دائیم آللاه یاد اولسون
آذربایجان مـیللتیمیز شاد اولسون
خوش دوشونک ،خوش چالیشاق ،خوش بیلک
بیر ـ بیر ایله خوش دانـــیشاق خـوش گولک
اورمـــــو گؤلو باهارلارین ، یازلارین
گؤللرینده،اوردک ،سونـا ، قازلارین
تورکــو آشیقلارین تورکـو سازلارین
چالیب اوخوسونلار داغیلسین غم لر
آرامیزدان گئتسین کدر سیتم لر
اورمو گــؤلو من باغــلی یام ائللره
آذربایـجانا هم تـورکــــو دیـل لره
نیسان یاغـمورونا آخان سـئل لره
یاغمور وورسون پاسلاریمیز سیلینسین
چیرکین لیک،گؤزل لیک او وقت بیلینسین
اورمـــــو گـؤلو تـــورک اوغــلویوق تورکوک بیز
یوردومـــــوزون قـــــوروقچـوسو تورکوک بیز
باشماق اولمامیشیق هر واخت بؤرکـوک بیز
تاریخ بــویــو اوجــالـمیشیق اوجا ییق
دوشمن لر سانماسین دوشگون قوجاییق
اورمـــو گــؤلو " دده کاتیب " هله وار
زامان چرخی باشــین قاتیب هله وار
اویـانـــماییر بختی یاتیب هله وار
بـــیر گــون اولا یـاتـمـیش بـخــتی اویــانــا
غیــیرت آتـــی مــینیب چـــاپـــار مـیدانا
şair. dədə katıb quluncu
دوشنبه هفدهم فروردین 1388
دوغرو موسلمان
یـارادانا شــــوکر ائـــدریک دوغـــرو مــــوسـلمان بیزیک
الـست گـــــونو بلا دئـــــدیک هم اهــــــل ایـمان بیزیک
تـــورک اوغلویوق تـــورک تــورونو یوردوموزو سئوریک
یـوردوموزون دوستونادوست دوشمانا دوشمان بیزیک
اوغـــوز،بـــابک،کـــوراوغــــلونو خاطـــرلــــردن آتماریق
دده قـــوردقـــود اؤیـــودلــرین هــئچ وقت اونــوتماریق
مــردلــیک ایله ســـاواشـــاریق دالـــــدانـــیب یاتماریق
تولــــکولره باش ایــمه ین بـــــیر بـاش اســـــلان بیزیک
بــــوتون دونـــیا تاریــخینده دوشـماندان بــاج آلمیشیق
آلــچاقــلارا اییــلمه مــــیش هــــر زامان اوجالمیشیق
دوشمانلاربؤیله سـانماسین سارسیلیب قوجالمیشیق
تــــلاطــــیملی دنـــــیز کــــیبی دالـقالی تــوفان بیزیک
تاریخــلری ورق وورســـان آدلــی سانلی شانـلی ییق
آغـــری داغــین زیروه سی تک هر زمان دومانـلی ییق
آذربــایــجان بــــالاسی ییق ایستی غـــیرت قان لـییق
یئــدی ایــقــلیم تانــیر بــیزی دیـل لرده داسـتان بیزیک
دده کاتـــیب بــیر اوزلــویوک ســـویـــومــوزو دانــماریق
اؤز ســویــونو دانــانـلاری آصـــلا ایـــنسان ســـانماریق
دین ایـــله وطن اوغـــروندا جان وئــرریک اوسانماریق
قورخوبیلمز تورک اوغلویوق بیر قیزمیش قاپلان بیزیک
دوشنبه هفدهم فروردین 1388
گؤزلر
بـــاهارچـــاغی یــــاز آیلاری گـــلنده
غونچه لر باش وئریب بوداغی گـؤزلر
یار باخیشین بیر اوخ ووردو سینه مه
قاشین کمان قوروب بو داغی گؤزلر
یار یــولوندا شــوکت اولار شــان اولار
یار یولوندا یوز مین قـوربان جان اولار
بولبول خــار الینده باغری قــان اولار
اوخـور چه چه وورار بو داغی گــؤزلر
شـیدا بولبول اوخـــور قــونار گوللره
گــؤز یاشـــلاری آخار دؤنــر سئللره
جییران صحرالارا ســـونا گـــــــؤللره
کهلیک قاققا ووروب بــوداغی گـؤزلر
ســحر یئلی صــفا وئــــریر نفــــسه
قــــومرولار اوخــــور وئریر سس سه
دده کــاتیب گــئنه گـــلدی هوسه
لیلاسیز مجنون تک بـوداغی گؤزلر
یکشنبه شانزدهم فروردین 1388
تووکل الله
توکل الله چولـونده فعلیــمی قیسـاتمیشـــام قضـاقدر قارشیسیندا قولــــومو قیساتمیشـــــام
حقه واصل اولماق ااوچون چوخ توسل یولو وار توحیدی قیبــله ائتمیشم یـــولومو قیساتمیشـام
آغاج تمکــین ائتــــمز من اونـــــا دایانمــــــارام استدلالـــیم بیردیرمنیم آیــــری دلیل قانـمـــــارام
ربـیمه بـــلی دئمیشـم دئدیگیمی دانمـــــارام هر سوز ایله اوینامـارام رولــــــومو قیساتمیشــام
اعدادیبیردن باشلاساق سوناچان وارمالییـــق اوردادوروب معکوس سایساقبیزبیرده دوررمالیـیق
عقل علمین یولو محدود بیز تورموز وورمالییــق هر نه یه ال اوزاتمارام الــیـــمی قیساتمیشــــــام
دده کاتیب قیسادانیش قیساسؤزده وارحیکمت اوززون سؤزدو فلسفه ده معلول اولماز بی عــیلت
تسلسلا چکسک اگر چاتار نخستیــن عیلـلت اورادا دورماق لازیمدیر دیــلیـمی قیساتمیشـــــام
یکشنبه شانزدهم فروردین 1388
شـو دونـیا بنزییـور بیـــر میحـــــانه یه
هر گلـن آییقلار سر حوش گــئــدیور
بئش گون اگلنجه بئش گون چیله ده
ان سونو حاسراتا دوشموش گئدیور
حریص لر دونیــادا قالاجــــاق سانـدی
گنجیلیک آتین بینیپ چاپدی دولاندی
سون نفس اویکــودان آییلیپ کانـدی
حایات لامبالاری سـؤنموش گئدیـــور
بیـنـــــالار یاپـــدی کـــاتلاری یئـــتدی
فـــیدانلار اکــدیردی یــئمه دن بیتدی
حاققا جان وئرمه نین زامانی یئتـدی
بوتون یاپدیغینا کـــــوسموش گئـدیور
کــــاتیب حــاققا گووه ن تانـریا ایـنان
دونیایی سئـمز گـــرچک بیر ایـنـسان
ایستر ادنا اولسون ایستر قاهرامــان
سیــرادا مکـــتوبون آلـمیش گــــئـدیور
شنبه پانزدهم فروردین 1388
مغرور اولما
اینسان اوغلو مغرور اولما حالا حالدا گــــئده جک
چین چین اولاجاک صورتین خط خالـدا گـئده جک
زامان چرخی پوزدوراجاق دال بوداغین سـولاجاق
دوز قامتین بـوکـوله جک بو جمال دا گـــــئد ه جک
اؤزون چالما داغا داشا ایشینده توت بیر حیساب
روزی بؤلن روزی بؤلوب حددســـیز ائتمه شـیتاب
بوتون دونیا سـنین اولـــسا سون یئرین زیر تــراب
حساب سنین مال واریثین خام خـیالدا گئده جک
قارون کــیمی مال ییـغاسان یل دسـتان اولاسـان
یا درویش گوشــه نشـــین یادا ســـولطان اولاسان
یا بــیر آجـــی دیلـــین اولا یادا غــزلخوان اولاسان
کســـیله جل نــطـق بــیان لب بال دا گــــئده جک
دده کاتیب خان اولاسان خلقه فرمان دئــیه سن
بـــیر یاوان چوره گـــین اولا یادا بــــیریان یــیه سن
یا بــیر ییرتیق دونــــون اولا یادا الوان گــــئیه سن
سؤکوله جک تیکمه لرین تیرمه شــال دا گئده جک
شنبه پانزدهم فروردین 1388
حی صنم
جنون اولدوم سن دیلبرین یـــولـــــوندا
اوزو گــــونش قاره قاشـــلار خـــی صنم
مجنون کــــــیمی دولانیرام داغـــــلاری
مست اولموشام ها چــاغیرام هی صنم
حوسنون منی عشقه سالدی دریندن
چــــــوخ ارنـــــلر پایین آلــــدی درینــــــدن
من قــولـونام، قولـــــون قــووما دریندن
ال مـــــنیمـــدی اتــک ســنــین، ای صنم
من عاشـــقم عشـــق اودونــا مایلم
آزغــین ســئل تک چـــؤلدن چؤله یاییلام
سن ســرور سن من بیر گدا سایلم
یــوخســولونان وارلی اولــملز جی صنم
دیلــــــین آب حـیـات درده چــاره دی
کــــیپریگــین اوخ ووروب بــاغریم یاره دی
من کــاتیبام مــنیم دونــوم قاره دی
آل اوسـتوندن سن یاشــیلی گئی صنم
شنبه پانزدهم فروردین 1388
یازار
قادرآللاهین قلمی عالمه فرمان یازار
آی گونشه هم فلکه بیر عجایب دؤوران یازار
لا شریکدی قدرتی ایله یارادیبدی هر نه وار
گؤز گؤرمه ین بیر خانه ده بوش سودان اینسان یازار
انا اعطینا سوره سی شاد ائتدی پیغمبری
یوز ییرمی دؤرد مین ایچینده دوغرولوغون سروری
دیلیم اوخور سینه م یازار من نئلیرم دفتری
قضا قدر اؤز الینده ایسترسه هر آن یازار
لافتی الا علی حیدردی شاهیم منیم
آزمارام یولدان کیناره دوغرودور راهیم منیم
اگر کی من تقصیر کارام چوخدور گوناهیم منیم
لوطف ائیله سه دفترینده بیر عفو رحمان یازار
الست گونو بلا دئییب جام ایمان ایچمیشم
بئش عالمی طی ائتمیشم آلتی ارکان سئچمیشم
دده کاتیب یار یولوندا بیللاه جاندان کئچمیشم
عاشیق معشوقون یولوندا جانینی قوربان یازار
سه شنبه یازدهم فروردین 1388
فریاده گل
بــــوغیــفلتدن آیــیلمیرام ای خــــــدا فــــــــــــــــریاده گل
یـالقیز قالمیشـام ظــــولمتده غــــــــوغاده فـــــریاده گـل
اول آدم خلـــق اولاندا یــــاراندی جـــــــــومله گـــــــوناه
بیــر لوطــفودن عفو اولــونار مین خــــطا فــــــــــریاده گل
اوخــــوموشــــام دؤرد کیتــــــــابی بیلمیــــرم لــــیل نــهار
بیلمه دیم عؤمروم قدرینی کئچدی فورصـــــــت گئتدی کار
کـــــــــل شی هالــــــــــــــک غیر از خـــدا کــــــیمدی وار؟
کـــــــفر ایـــسلاما غـــالب اولــدو مدد، اولــدوق تــــارو مار
مــصطـــــــفی دئــدی شــــــانینده لافــــــتی فــــریاده گل
ســونا واردی دفــتریمیز شــــیمدی باخین دولـــــدو جــــام
مــوقدرین حـــــؤکــــمونه باخ ایشلر قالـــــدی ناتــــــــــمام
عـجب یولــــون یولچوسویوق فرق ائیله مز خــــاص و عـــام
الـــف الله ب بـشـــــــردن وای آلانـــــــــــــدا ایــنتیقـــــــــام
مـــــــــــــیم محمـمد کان رحــمت سیدا فـــــــــــــریاده گل
صــور چالــــــــیندی اویما غافیل وار حققـــین محضـــــرینه
کـــیم بیلیر کـــیمین حالــــــینی هر کــس آغلا ر نفسینه
شـــــاه گدا مــــونتظیردی بیر عــــــــــدالت حـــؤکــــمـــونه
کــــــاتیب آدیــــــــــن ثبت اولـــــوندو عــاصی لـــــر دفترینه
ای اوخــــونان دؤرد کــــــــیتابا مـــــــــوصطفی فـــریاده گل
دوشنبه دهم فروردین 1388
ابــــجد حســــابیندان دم ووران اوستاد
بئش ایسمیدن سوراجایام سـونو دورد
بـــــیرینجی سی تــک آللاهین آدی دیر
بـــیری بیردیر بیری سگگیز سونو دورد
حق عاشــــقی مرد میداندان قاچیلماز
عیلم اولمــــاسا دوگون تئز تئز آچیلمـاز
ایکـــینجیسی بیردی ایکی اوچ اولــماز
آلتی ایلــه بیر بیری سگگیز سونو دورد
حــققین آدی دیــلده جــــاری مـــــورتب
کــــیبر ائیله مه اول شکسته مـــــــودب
اوچـــونجوسو دورد حرفـیدن مـــــــورکب
سگــیز و قیرخ بــیری اوندو ســـونو دورد
منم دئــــیه ن لرین ســــونلاری هئچ دی
شــیطان کیبر ائیله دی قوولدو قاچــــدی
دوردونجو دوردحروف نقطه سی هئچدی
قـــــیرخ ایله اوچ بیری اون دو سونو دورد
دده کـــاتیب آلــچاق اوچــــان اوجـــــــالار
چــــوخ یئهین آت قــووان دوشــر قوجـالار
بــــئـشینجی سی بــاطل لردن بــــاج آلار
ایکـی قیرخ دی بیری سـگگیز ســونودورد
دوشنبه دهم فروردین 1388
یـــارادانــا شــوکر ائـــــــــیلرم من بیر موسلمان اوغلویام
فیکر ائتمه میش دانیشمارام بیر دوغرو اینسان اوغلویام
ایلهام آلـمیشام قورآنـــــــدان عیبرت آلـمیشام زامانـــدان
قورخمارام توز دان دومانــدان دالقــــالی توفان اوغـــلویام
من بیر تـــورکم بوز قوردلـویام اوغـــوز دده قـــورقودلویــام
بــیر قــیزقـین آتش اودلویــام بــیر غیرتلی قان اوغلــویـام
دده کــاتیب ائـلیم تـــورکــــدو دوغرو دوزگون یولوم تورکدو
خوش دانیشان دیلیم تورکـدو مـــن آذربــایجان اوغـــلویام
دوشنبه دهم فروردین 1388
دده کاتیبین وفات تاریخینه
ای وطــن تورپــاغی، آمـــــانات ســـاخلا بیز سنه تاپشــیردیق دده کاتیبــی
اؤزقوینــــوناباســیب چوخ راحات سـاخلا وطــنه تاپشــیردیق دده کــــاتیبـی
قـــــــورآن اللـــرده یـــدی اوزلــر آللاهــــا سینه لر دولمــوشدو کـدره، آهـــــا
امدادیـــــنا چــــــــاتار حضرت طــــــاهـــا یاسینه تاپشـیردیق دده کـاتیبـــی
گـــلن چاغـــیریردی بــیر تک آللاهــــــی سسله ییردی محمدرسول اللهی
باغیشـــلانار هاچان اولســـا گــــوناهی آمینـــــه تاپشیردیق دده کــاتیبـی
وفـــــاتـین ائشــــیدن اورکـــدن یانـــــیب سؤزلرین ائشیدن اؤیودور سانیـــب
آفــــرین-مرحـــــبا سســـــی قووزانـــیب تحسینه تاپشیردیق دده کــاتیـبـی
ایکی گــــون کئچمیشدی بایرام آییندان بـیر ائــل محروم اولدو دده پایینـدان
سکسن یئدینجی ایل گونش ساییندان حـققینه تاپشیردیق دده کــــاتیبی
بهرام اسدی(اورمو شاعیری)
قولونجو2/12/87
یکشنبه نهم فروردین 1388
کؤنول دیللر تانیدیرسین سؤیـــونـــو
بیز تورک تورونویوق قوچ اوغلانلییــــق
بیرکؤکدن آیریلمیشیق اونبئش دال بوداق
خزر دنیزینـده چئـــویـــره یانلیـیـــق
تورک اوغلویوق بیز شاواشـا چیخاندا
ییلدیریملارچارپیپ شیمشک شاخـاندا
دوشمن کؤکسوسونه سونگو تاخاندا
قیزمیش قاپلان کیمی هایقیرانلیــیــــق
بوتون تورکـــــلر بیــر بیــــره چاتــــــــار
قازاق،قیرقیــــز،چرکـــز،تورکمـــن،تاتــــار
یوردومدا اوســـتون شاعـــیرلـــر یاتــار
قاراباغ، ناخجیــــــوان ،داغیستانلیــیـــق
کیمسه گیزله دمز تـــورک آدی ایتمــز
تاریخ لــر یازیسی سیلینــــمز گئدمــــــز
سؤزو قیسا کســک،چون سونا یئتمز
اینسانلـــیق بیلن ،بیز اینـسانلییــــــــــق
سئوریک وطنی، دینــــی تانرینــــــــی
کســیریک دوشمنــین تار تامـارینـــــــــی
آتشه یاکـــاریـــق ،بــوتــون واریــــــــنی
شوکور موسلومانیــق، بیــز ایمانلییــــــق
موغـــولدان باشلامیش رومـــانا قـــــدر
بولــــغار،صوفیـــــادان گیــرمـانا قــــــــدر
تورکـــــــیه،ایراقــــــــدان افقــــانا قـــــدر
ایرانــــــــــدادا آذربایــــجانلیــــــیـــــــــق
اسکی ده ن تانییــور دونیــــالار بـیــــزی
دنـــــــــیزلـــــــر قارالار هــــاوالار بیـــــزی
هئچ قـــــورخــودامـــاز هـاوالار بیــــــــزی
گوجلو بیلک لی ییق ایستی قانلـییـــــق
دده کاتیب بیز ناموســـــو آتمـــاریـــــــق
اؤلکـــــه میزی یابانجـی یا ساتمـاریــــــق
یوردوموزون بک چی سییق یاتماریــــــق
چیـــلیــک قـــوللار ایلـــــه آرچالانلیــــیـــق
